Coping strategies during Covid-19

Daar is n groter veldtog nodig om armoede in ons gemeenskappe aan te spreek.

Nie groot filosofiese en hoogdrawende toesprake of benaderings nie.

Dit moet n breë gebaseerde beweging wees – nie n politieke party nie – n sosiale aksie benadering – uitkomsgerig: bv zero toleransie van skoolverlating.

Entrepreneursskap opleiding vir elke primêre en hoêrskool leerder. Ondersteun beursfondse in gemeenskappe waar alumni teruggee.

Hierdie soort intervensies is spesifiek en haalbaar. Indien dit nie gebeur nie gaan ons nog vir lank by die bakery, baie vroeg moet staan vir die R5 brood.

Want as ons later gaan na die bakery dan moet ons meer betaal vir brood – die R8 brood.

Soos Tinkie sê,

Quinton die R8 brood is te duur. Ons gaan dit nie maak vir winter met die R8 brood nie, ons moet vroegoggend in die lyn staan vir die R5.

Ek sien hierdie pragtige menslike verskynsel.

Jy sien dit, voel dit en hoor dit.

Dit is by tye net n onverklaarbare sosiale konstruksie. Mense wat ten spyte van hul min nogsteeds gee. Mense wat nie gee uit hul oorvloed nie maar uit hul min. In hul min is hul oorvloed eindlik opgesluit.

Dit klink baie keer so paradoksaal, dubbelsinnig en soms onverklaarbaar. In hul min is hul oorvloed opgesluit. Dit is die mooi daad en proses van dankbaarheid -dankbaarheid is n innerlike beweging en transformasie wat uiterlik manifesteer. Dit is n spirituele proses van suiwering en reiniging wat n mooi, vars en nuwe perspektief skep – n nuwe manier van verstaanvorming wat verby die hoogste en diepste redenasie beweeg.

In hul min is hul oorvloed eindlik opgesluit.

Quinton Adams

Dit is n “skynbaar irrasionele denkpatroon” wat harte warm laat klop. Dit kom van n dieper plek, n dieper betekenis en ervaring.

Dankbaardheid is soos “alchemy” wat koper in goud kan verander. Dankbaarheid verander die min in oorvloed. Dit is soos wanneer een pak mieliemeel van 2.5kg deur n huisgesin weer verder opverdeel word vir 4 ander huise. Die een pak 2.5 kg mieliemeel word as oorvloed beskou.

Dankbaarheid is die sleutel tot Oorvloed.